Misalmot sa livelihood training ang kapin 60 ka benepisyaryo sa Pantawid Pamilyang Pilipino Program o 4P’s sa Barangay Del Pilar, New Corella Davao del Norte isip kabahin sa mga programa alang sa pagpalambo sa ilang kahanas sa panginabuhian.
Gibahin ang mga partisipante ngadto sa duha ka grupo, diin ang unang grupo nakakat-on sa paghimo og dishwashing liquid, samtang ang ikaduhang grupo gibansay sa paghimo og longganisa.
Gipahigayon ang maong training pinaagi sa panagtambayayong sa Barangay Del Pilar, Public Employment Services Office o PESO, ug 4Ps, aron mahatagan ang mga benepisyaryo og dugang kahibalo ug kahanas nga mahimong magamit sa panginabuhian o gamay nga negosyo alang sa paglambo sa pamilya.
Photo Courtesy: Bayan ng New Corella
