Nasikop sa Bacolod City niadtong Domingo, Setyembre 26, ang giingong suspek sa pagpatay kang Barangay Kansumandig Captain Dennis Jimpayan sa La Libertad, Negros Oriental, sumala kang Police Captain Stephen Jaynard Polinar, spokesperson sa Negros Oriental Police Provincial Office.
Sumala kang Polinar, gihangyo sa kapolisan sa Negros Oriental ang tabang sa Bacolod City Police Office o BCPO aron masubay ang nahimutangan sa suspek, nga misangpot sa iyang pagkadakop.
Ang suspek anaa na sa kustodiya sa La Libertad Municipal Police Station ug ipailalom sa inquest proceedings. Matud pa ni Polinar, personal nga kasuko o panagbangi batok sa biktima ang usa sa giingong motibo sa pag-atake nga miresulta pagpamusil-patay. Apan ang maong impormasyon kinahanglan gihapon ipailalom sa tukmang imbestigasyon ug proseso sa korte.
Si Jimpayan gipusil ug namatay niadtong Setyembre 23, samtang nagpauli kini sakay sa iyang motorsiklo sa Sitio Mabilog, Barangay Kansumandig, La Libertad.
Photo courtesy: Negros Oriental Police Provincial Office – PCpt. Stephen Jaynard Polinar
