Nabalintong ang usa ka SUV human giingong nakaligis og bato samtang nagbyahe sa kurbada nga bahin sa Brgy. Dawan, Mati City, Davao Oriental pasado alas 4:00 sa hapon niadtong Setyembre 28, 2026.
Base sa mga taho, anaa ra sa luwas nga kahimtang ang driver nga giingong usa ka pastor nga taga Purok 2, Barangay Mamali sa dakbayan. Maygani, wala kini’y kauban nga pasahero sa dihang nahitabo ang aksidente.
Samtang nakaangkon usab ug grabeng kadaot ang sakyanan, diin gibana bana nga anaa pa lamang kini sa usa ka tuig.
Nagpahinumdom usab ang mga otoridad ngadto sa mga driver nga mag-amping kanunay sa pagmaneho aron malikayan ang susamang insidente.
