Usa ka pawikan nga giila nga Hawksbill ang napadpad ug nakit-an sa baybayon sa Barangay Lais, Malita, Davao Occidental. Matud sa post ni Siyunos Winyo Oyag, ang pawikan adunay tag ug giingong gikan sa usa ka marine turtle conservation area sa Davao Oriental.
Gipangayo usab ang tabang sa publiko sa pagpaambit sa impormasyon aron masubay ang kahimtang ug gigikanan sa maong pawikan, ilabina kon adunay makaila o adunay dugang impormasyon bahin niini.
Gipahinumdoman usab ang publiko nga ang mga pawikan kinahanglan panalipdan ug dili samokon samtang anaa sa baybayon.
