Sikop sa mga kapulisan ang usa ka indibidwal atol sa gilusad nga buy bust operation pasado alas 09:45 sa gabii, niadtong Setyembre 26, 2026 didto sa Sitio Tawid, Barangay Taytayan, Cateel, Davao Oriental.
Ang dinakpan naila nga si alyas “JO-JO”, 50 anyos, adunay kapuyo, mag-uuma ug lumolopyo sa Barangay San Miguel sa maong munisipyo. Ang operasyon gihimo sa mga personahe sa Cateel Municipal Police Station, kauban ang PDEU/SOT DOPPO, 1st DOPMFC ug uban pang mga law enforcement units.
Narekober gikan sa suspetsado ang upat ka heat-sealed nga plastic sachet sa gituohang shabu nga gibana banaang mutimbang sa 0.3 gramo ug adunay standard drug price nga P2,040.00 ug nasakmit usab ang usa ka Php 500 nga buy-bust money. Human niini gipahibalo ang akusado sa iyang mga katungod pinaagi na sa pinulongan nga iyang nasabtan.
Sa kasamtangan ang suspek anaa na sa kustodiya sa Cateel Municipal Police Station alang sa tukmang disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Cateel MPS
