Nasabat sa checkpoint sa Barangay Bansarvil 1, Kapatagan, Lanao del Norte ang tinatayang P1.08 milyong halaga ng hinihinalang puslit na sigarilyo na sakay ng isang Patient Transport Vehicle mula Sultan Naga Dimaporo. Arestado ang dalawang lalaki matapos inspeksyunin ng mga tauhan ng 2nd Provincial Mobile Force Company o 2nd PMFC ang sasakyan.
Nakuha sa loob ng sasakyan ang 22 master cases ng New Far Red cigarettes at limang master cases ng iba pang brand na tinatayang nagkakahalaga ng P1.08 milyon. Mula Sultan Naga Dimaporo patungong Kapatagan ang biyahe ng sasakyan nang ito ay maharang sa checkpoint.
Dinala ang dalawang suspek sa Kapatagan Municipal Police Station para sa dokumentasyon at kaukulang proseso. Patuloy namang inaalam ng mga awtoridad ang pinagmulan at destinasyon ng mga nakumpiskang sigarilyo at ang kaukulang kaso laban sa mga naaresto.
