Nakadawat og food assistance ang mga kwalipikadong residente sa Barangay Poblacion, Monkayo, atol sa gipahigayong distribution pinaagi sa Municipal Local Government Unit–Local Government Support Fund.
Personal nga nanguna sa pag-apod-apod sa ayuda ang LGU diin gitutokan ang paghatag sa suporta ngadto sa mga pamilyang benepisyaryo nga nanginahanglan og dugang nga tabang alang sa ilang inadlaw-adlaw nga panginahanglan.
Sumala sa lokal nga panggamhanan, kabahin kini sa ilang padayong paningkamot nga mapaduol ngadto sa mga residente ang serbisyo sa gobyerno ug mahatagan og konkretong suporta ang mga pamilyang nag-atubang og panginahanglan sa pagkaon ug panginabuhi.
Gisuportahan usab sa Provincial Government of Davao de Oro, ubos sa pagpanguna ni Gov. Raul Mabanglo, ang maong mga programa nga nagtumong sa paghatag og serbisyo ug ayuda ngadto sa mga komunidad sa Monkayo.
