Misaka og ₱2.9024 kada kilowatt-hour ang residential power rate sa South Cotabato II Electric Cooperative o SOCOTECO II karong Septiyembre 2026.
Gikan sa ₱9.5944 kada kilowatt-hour niadtong Agosto, misaka kini ngadto sa ₱12.4968 kada kilowatt-hour karong Septiyembre. Ang low-voltage rate anaa sa ₱12.4400 kada kilowatt-hour, samtang ₱10.8288 kada kilowatt-hour ang high-voltage rate.
Matud sa SOCOTECO II, nag-unang hinungdan sa pagsaka ang mas taas nga generation costs, ilabina ang pagmahal sa WESM o Wholesale Electricity Spot Market tungod sa higpit nga power supply sa grid. Gidugang niini ang mga power plant outages ug pagkunhod sa PSALM allocation tungod sa scheduled maintenance.
Samtang, nagpabiling ₱1.1866 kada kilowatt-hour ang distribution charge sa SOCOTECO II, nga wala mausab sukad pa niadtong 2011.
Gipahinumdoman sa kooperatiba ang mga konsumante nga mahimong mag-usab-usab kada bulan ang power rate depende sa presyo sa kuryente ug gidasig sila nga magpraktis og episyente nga paggamit sa elektrisidad aron makontrol ang ilang bayranan.
Photo Courtesy: South Cotabato II Electric Cooperative, Inc.
