Nadugangan ang kaso nga atubangon sa usa ka female detainee human misulay og hatag og P25,000.00 nga giingong pang-areglo ngadto sa police officer sulod mismo sa custodial facility sa Police Station 2 sa Labangal, General Santos City, apan napakyas ang maong pagsulay ug nadakpan ang babaye.
Giila lamang sa alyas nga “Inday” ang detainee nga giingong miduol sa usa ka police officer pasado alas 10:50 sa gabii niadtong Septiyembre 27, atol sa PUPC accounting sulod sa female custodial facility.
Matud sa kapulisan, gitunol matod pa sa detainee ang usa ka cellophane nga adunay rolyo sa kwarta nga mokabat sa 25 mil pesos ug miingon, “Pang-areglo, Sir.”
Imbis dawaton ang kuwarta, gi-report dayon sa police officer ang insidente ngadto sa iyang mga kauban.
Gipahibalo ang detainee sa hinungdan sa iyang pagdakop ug sa iyang constitutional rights sa pinulongan nga iyang nasabtan. Giandam na ang kasong may kalabotan sa giingong paglapas sa Article 212 sa Revised Penal Code alang sa pagsaka sa kaso.
Photo Courtesy: PRO 12
