Gisapubliko sa Lanao del Norte Police Provincial Office ang semana nga operasyon gikan ni niadtong Setyembre 21 ug hangtud sa petsa 27 ning tuiga pinaagi sa ilang social media post.
Subay sa datos, lima ka indibidwal nga nalambigit sa illegal drugs ang nadakpan nga nakuhaan og 19.16 gramo nga nagkantidad og 130, 288 pesos ug sa illegal gambling usa ang nadakpan.
Sa loose firearms, usa ang nadakpan, armas ug mga bala ug sa illegal logging nakumpiska ang 1,934.05 ka pulgada nga kahoy nga nagkantidad og 28, 821.50 pesos.
Samtang sa illegal mining, upat ang nasikop, nakumpiska ang 125 ka sako sa mineral ores nga nagkantidad sa 625,000 pesos ug sa illegal fishing, tulo ang nasikop ug ang mga butang nga nakumpiska nikabat sa 19,200 pesos.
Sa smuggling, nakumpiska ang 4,370 ka reams sa ismagol nga sigairlyo nga nagkantidad og 3, 496,000 pesos ug sa mga wanted persons nga nadakpan nikabat sa 15.
Padayon ang kapulisan sa LDN PPO sa pagpaningkamot sa pgsulbad sa mga illegal sa probinsya ug hangyo niini sa publiko nga mo-kooperar sa kapulisan.
Photo Courtesy: LDN PPO
