Boluntaryong giturn-over sa usa ka 19-anyos nga construction worker ang usa ka wala marehistrong kalibre .38 nga revolver ngadto sa Linamon Municipal Police Station sa Barangay Poblacion, Linamon, Lanao del Norte, pasado alas-12 sa udto niadtong Septiyembre 26, 2026.
Giila lamang sa alyas nga “Eloy” ang maong lalaki, 19 anyos, single, kinsa nakit-an ang armas samtang nanglimpyo sa ilang kwarto. Matud pa ni Eloy, nga gipanag-iyahan sa iyang amahan ang armas ug gibiyaan sa ilang balay human magkabulag ang mga ginikanan.
Nasayran, nga wala kini marehistro ug wala usab siyay lisensya sa pagpanag-iya, busa iyang boluntaryong gitugyan ang armas alang sa hustong disposisyon.
Sa pagkakaron, ang armas gihatod sa Iligan City Forensic Unit alang sa tukmang disposasyon.
Photo Courtesy: PCG PCADG Northern Mindanao
