Boluntaryong gitahan sa usa ka habal-habal driver ang usa ka wala marehistrong kalibre .38 nga revolver ngadto sa mga otoridad sa Barangay Maria Cristina, Iligan City, alas-2:40 sa hapon niadtong Septiyembre 27, 2026.
Giila ang maong lalaki nga si “Jino,” 51 anyos, habal-habal driver, ug residente sa Barangay Maria Cristina. Subay sa report, giingong nakit-an sa lalaki, ang armas samtang nanglimpyo sa ilang kwarto ug gituohang gipanag-iya sa iyang namatay nga igsoon.
Giingkon niini, nga wala siyay lisensya o awtoridad sa pagpanag-iya niini, hinungdan nga iyang boluntaryong gitugyan ang armas alang sa hustong disposisyon.
Sa pagkakaron, gidala ang armas sa Iligan City Forensic Unit alang sa eksaminasyon.
Photo Courtesy: PCG PCADG Northern Mindanao
