Nasunog ang isa ka boarding house sa General Luna, Poblacion, Tacurong City, Sultan Kudarat, pasado alas-6:30 sang gab-i, Setyembre 27, 2026, nga nagresulta sa pagkapilas sang isa ka tawo.
Gilayon nga nagresponde ang Bureau of Fire Protection ukon BFP-Tacurong City kag ginpatuman ang firefighting operation agod mapauntat ang kalayo.
Nagresponde man ang mga personnel sang Tacurong City Police Station para sa seguridad sang lugar kag magbulig sa pagdumala sang sitwasyon samtang ginapatuman ang imbestigasyon.
Padayon naman ang pag-usisa sang fire investigator agod matukiban ang gintunaan sang sunog kag kon paano ini nag-umpisa.
Wala pa sang may ginpagawas nga kumpleto nga impormasyon parte sa kabug-usan sang damyos kag ginabulubanta nga kantidad sang mga propiedad nga naubos, samtang ginahulat ang opisyal nga report sang BFP-Tacurong City.
