Nagpatigayon sang training para sa Barangay Peacekeeping Action Team ukon BPAT ang Lokal nga Panguluhan sang Isulan para sa mga miyembro halin sa 17 ka barangay.
Ang nasambit nga aktibidad, ginpatigayon sang Setyembre 26, 2026 sa Municipal Gymnasium sang Isulan, nga may tinutuyo nga mapalapad ang ihibalo, abilidad kag kahandaan sang mga BPAT sa pag-atubang sang mga problema sa kahilwayan, kaayuhan kag emerhensya sa ila tagsa ka komunidad.
Nag-upod sa training si Vice Mayor Arnold Armada, kaupod ang mga miyembro sang Sangguniang Bayan, mga opisyal kag empleyado sang LGU, pati na ang mga barangay officials kag BPAT members.
Nagpaambit man sang ila eksperyensya kag ihibalo ang mga opisyal sang PNP, AFP Explosive Ordnance Disposal kag Bureau of Fire Protection.
Ang training ginpatigayon sa pagbinuligay sang Isulan Municipal Police Station, Isulan Central Fire Station kag 1st EOD Platoon sang Philippine Army, bilang kabahin sang padayon nga pagpabakod sang seguridad kag kahandaan sa mga barangay.
