Gidasig sa PhilHealth ang mga Iliganon nga magpalista sa YAKAP Program aron ma-avail ang nagkalain-laing benepisyo ug serbisyong panglawas nga gitanyag niini.
Pinaagi sa YAKAP o Yaman ng Kalusugan Program, gihatagan og kahigayonan ang mga benepisyaryo nga mas dali maka-access sa mga serbisyong panglawas, ilabina sa preventive ug primary healthcare.
Kabahin usab niini ang pagpalambo sa health-seeking behavior sa mga benepisyaryo, diin gidasig sila nga mahimong mas responsable ug regular sa pagpangita og hustong serbisyo ug tambag medikal.
Matod ni PhilHealth OIC Patrick C. Peñaranda, ang labaw na bahandi mao ang atong himsog nga panglawas ug importante nga dili maghulat ang usa ka tawo nga mosamot pa ang gibati nga sakit ayha mangita og tabang medikal.
Gipasabot niini, nga dili lamang ang pagtambal sa sakit ang tumong sa programa, kundili usab ang pagdasig sa mga Pilipino nga mahimong mas aktibo sa pag-atiman sa ilang kaugalingong panglawas.
