Gipahinumdoman sa Traffic Enforcement Unit ubos sa pagpanguna ni PLTCOL. Oswaldo Tongson ang mga motorista nga maghimo og basic safety checks sa dili pa mobiyahe aron malikayan ang aksidente tungod sa mechanical failure.
Lakip niini ang pagsusi sa mga ligid, brake ug uban pang importanteng bahin sa sakyanan aron masiguro nga roadworthy kini. Matud ni Tongson nga dili lamang ang sakyanan ang angay susihon kondili apil ang kahimtang sa drayber.
Padayon ang awhag niini sa mga motorista nga likayan ang pagmaneho kung hubog, katulgon o dili maayo ang kondisyon sa lawas aron masiguro ang kaluwasan gikan sa paggawas sa balay hangtod sa pagpauli.
