Dakong benepisyo sa kahimsog ug kaayohan sa mga binuhing hayop ang “pag-ligate” ug pagpakapon, sumala sa Provincial Veterinary Office o PVET sa Misamis Oriental.
Matud ni Doc. James Bautista, Veterinary IV sa PVET ug Spay and Neuter Coordinator, makatabang kini sa pagkontrol sa pagpanganak sa mga iro ug iring, ug sa paglikay sa pagdaghan sa mga hayop nga mahimong mahisalaag o mabiyaan.
Gidasig sa PVET ang mga tag-iya sa pets nga mokonsulta sa beterinaryo aron mahibal-an ang hustong panahon sa pagpa-laygit o pagpakapon, depende sa edad ug kahimtang sa binuhing hayop.
Photo courtesy: Hepper
