Gipamatuod ni Bela Padilla nga nagbulag na sila sa tech CEO nga si Martin Tan human sa pipila ka bulan nga relasyon.
Sa iyang post niadtong September 27, gitawag ni Bela kini nga usa ka “quick life update” ug miingon nga nakadesisyon silang magpadayon sa ilang mga kinabuhi nga magkabulag.
Matod ni Bela, espesyal alang kaniya ang ilang relasyon tungod sa ilang parehas nga gugma sa pelikula, pagkaon, trabaho, ug panahon nga mag-uban.
Apan bisan wala niya gipadayag ang detalye sa hinungdan sa ilang panagbulag, miingon siya nga iyang gipili nga maglain sila og dalan aron mapreserbar ang ilang kaugalingon ug ang maayong pagtan-aw nila sa usag usa.
Matod pa niya, “Usahay, ang paghigugma sa usa ka tawo nagpasabot usab sa pagkahibalo kung kanus-a na ang panahon sa pagbuhi.” Nagpasalamat usab si Bela kang Martin sa ilang mga kasinatian ug nanghinaot siya nga maayo ang kaugmaon niini.
Photo courtesy:Kapamilya Online World
