Mokabat sa 40 ka mga armchairs ang giturn-over sa Provincial Government of Surigao del Sur ngadto sa Surigao del Sur District Jail (SDSDJ) niadtong nakalabay nga adlaw, alang sa paggamit sa mga Persons Deprived of Liberty (PDL) nga nag-apil sa Alternative Learning System (ALS) classes.
Ubos sa pagpangulo ni SJO4 Rhodora S. Gamale, Acting District Jail Warden, ang mga armchairs magamit sa mga PDL learners aron mahatagan sila og hapsay ug angay nga lingkoranan atol sa ilang pagtuon.
Gilauman nga pinaagi sa maong suporta, mahimong mas komportable ug mas conducive sa pagkat-on ang ALS classroom, nga makatabang usab sa pagdasig sa mga PDL nga magpadayon sa ilang pag-apil sa mga kalihukang pang-edukasyon.
Ang programa nagtumong usab sa paghatag og oportunidad sa mga PDL alang sa personal nga paglambo, pagkat-on ug pag-andam alang sa mas maayong kaugmaon.
Nagpahayag usab og pasalamat ang SDSDJ kang Surigao del Sur Provincial Governor Johnny T. Pimentel ug sa Provincial Government of Surigao del Sur alang sa maong tabang ug padayong suporta sa edukasyon ug kaayohan sa mga PDL.
Photo courtesy: Bjmp Surigao Dj-Tandag
