Upat ang kompirmadong namatay nga Grade 11 students sa Surabay National High School human malumos sa suba sa Purok Santan, Barangay New Antique, RT Lim, Zamboanga Sibugay, September 24, 2026, samtang usa pa ka estudyante ang padayon nga gipangita sa mga rescuers.
Gikumpirma sa Zamboanga Sibugay Police Provincial Office nga 11 ka Grade 11 students ang nangadto sa maong suba aron mangaligo pasado alas-4:30 sa hapon. Apan kalit nga mibundak ang kusog nga ulan, hinungdan sa pagsaka ug pagkusog sa bul-og sa tubig.
Alas-8:20 sa gabii, narekober sa mga rescuers ang mga lawas sa tulo ka babaye ug usa ka lalaki nga gituohang nadala sa kusog nga current sa suba.
Samtang unom ka mga lalaki ang nakalahutay sa insidente ug gidala ngadto sa RT Lim Municipal Police Station alang sa assistance ug documentation.
Padayon ang search and rescue operation sa RT Lim Municipal Police Station, lokal nga mga rescuers ug ubang concerned agencies alang sa pagpangita sa missing nga estudyante.
