Nasakmit sa mga kapulisan ang 250 ka ream sa red modern cigarettes nga gituohang mga smuggled atol sa checkpoint operation, sa may alas 8:30 sa gabii niadtong Setyembre 24, 2026 sa Purok 5, Sitio Mapalad, National Highway, Barangay Dalipuga, Iligan City.
Subay sa report, nga atol sa operasyon, gipahunong alang sa inspeksyon ang usa ka pula nga toyota vios ug sa inspeksyon sa mga pulis nakit-an sa sulod sa sakyanan ang mga kahon sa modern cigarettes.
Gikumpiska ang mga sigarilyo tungod kay napakyas ang mga sakay sa pagpresentar og importation documents, bureau of customs clearance, tax stamps, o pamatuod sa pagbayad sa hustong customs duties ug internal revenue taxes.
Gibana-bana nga anaa sa 200 mil pesos ang kantidad sa 250 ka ream nga sigarilyo. Sa pagkakaron, ang mga nakumpiska nga sigarilyo ug ang sakyanan itugyan ngadto sa bureau of customs alang sa hustong dokumentasyon ug ang mga suspetsado temporaryong gibuhian samtang naghulat sa adjudication ug angay nga mga legal nga proseso.
Photo Courtesy: ICPO
