Nagpahigayon og information drive ang mga sakop sa President Roxas Municipal Police Station, ubos sa pagpangulo ni PMAJ Jose Ryan B. Feranil, Chief of Police, alang sa mga school watchman o guwardiya sa eskwelahan sa President Roxas South District atol sa orientation sa mga pamaagi sa kaluwasan ug seguridad sa mga estudyante, school personnel ug stakeholders.
Gipunting sa kalihokan ang mga katungdanan ug responsibilidad sa mga school watchman, tukmang pamaagi sa pagpatrolya, pagkamabinantayon sulod ug palibot sa eskwelahan, ug hustong pagtubag sa mga emerhensiya ug insidente nga may kalabotan sa seguridad. Pinaagi niini, gipalig-on ang kahandam sa mga school watchman sa pag-atubang sa posibleng hulga ug emerhensiya.
Samtang, padayon nga gipalig-on sa kapulisan ang koordinasyon tali sa PNP ug mga eskwelahan aron mapalambo ang kahandam ug mga lakang sa seguridad. Tumong niini nga masiguro ang mas luwas nga palibot sa pagkat-on alang sa mga estudyante, mga empleyado sa eskwelahan ug uban pang miyembro sa komunidad.
Photo courtesy: PNP President Roxas Municipal Police Station
