Nagpaandam ang Sultan Kudarat State University, ukon SKSU, sa publiko kag sa university community parte sa mga Telegram, social media, messaging accounts kag iban pa nga online platforms nga nagagamit sang ngalan kag identidad ni University President Atty. Cyrus E. Torreña, DPA, MNSA nga indi otorisado sang unibersidad.
Ginpahanumdom sang SKSU ang publiko nga indi makig-transaksyon, maghatag sang personal nga impormasyon, magpadala sang kwarta, ukon magsabat sa mga request halin sa mga account nga nagapakuno-kuno nga nagarepresentar sa University President.
Suno sa advisory, duha lamang ka opisyal nga email channels ang ginagamit ni Torreña, nga amo ang cyrustorrena@ sksu.edu.ph kag officeofthepresident@ sksu.edu.ph. Ang mga mensahe ukon komunikasyon halin sa iban nga email address ukon online account kinahanglan anay ma-verify pinaagi sa opisyal nga channels sang unibersidad.
Gina-engganyo man sang SKSU ang publiko nga i-report ang mga suspetsado ukon nagapanginbulad nga accounts sa nagakaigo nga opisina sang unibersidad para sa verification kag nagakaigo nga aksyon.
