Ginakabig nga tikang padulong sa rehabilitasyon sang marine environment ang pagdeploy sang 26 ka artificial reefs sa coastal waters sang Barangay Paril, Kalamansig, Sultan Kudarat sang damlag lang.
Ang inisyatibo may tinutuyo nga mapasig-uli ang mga marine habitat kag makahatag sang puluy-anan kag breeding grounds para sa mga nagkalain-lain nga aquatic life.
Pinaagi sa Artificial Reefs, ginapaabot man nga mag-umpisa ang amat-amat nga pagbangon sang coastal ecosystem kag magdugang ang biodiversity sa nasambit nga lugar.
Suno sa inisyatibo, indi lamang ini pagbutang sang mga istruktura sa idalom sang dagat, kundi isa man ka long-term investment para sa kaayuhan sang Marine Environment kag sa mga komunidad nga nagasalig sa baybayon para sa ila pangabuhi.
Ang proyekto kabahin sang padayon nga mga tikang para sa environmental rehabilitation kag recovery sa Probinsya sang Sultan Kudarat.
Photo courtesy: Gov. Pax Ali S. Mangudadatu
