Duha ka wanted person ang nadakpan sa managlahing operasyon sa Dakbayan sa Surigao ug Dapa, Surigao del Norte.
Giila ni Provincial Director PCOL Warren E. Dablo ang mga nadakpan nga usa ka 19 anyos nga lalaki, ulitawo, walay trabaho ug residente sa Barangay Sabang, Surigao City; ug 22 anyos nga lalaki, ulitawo, laborer ug residente sa Barangay 12-Poblacion, Dapa.
Ang 19-anyos nadakpan sa mga operatiba sa Surigao Component City Police Station o SCCPS pinaagi sa warrant of arrest tungod sa kasong paglapas sa Anti-Violence Against Women and Their Children Act. Adunay gitugot nga piyansa sa kantidad nga P36 mil pesos.
Samtang, ang 22-anyos nga lalaki nadakpan sa Dapa Municipal Police Station tungod sa kasong Theft. Ang warrant pinasikad sa Criminal Case Number 1251, nga gipagawas sa Municipal Circuit Trial Court sa Dapa-Socorro niadtong Septembre 21, 2026, ug adunay gitugot nga piyansa sa kantidad nga 6 mil pesos.
Gikustodiya na sa SCCPS ug Dapa MPS alang sa tukmang disposasyon.
