Nakumpiska ang yara sa P427,000.00 nga balor sang ginapatihan nga smuggled cigarettes sang kapulisan sa baybayon sang Sitio Bakung, Barangay Kulong-Kulong, Palimbang, Sultan Kudarat, kaagahon sang Miyerkules, Setyembre 23, 2026. Suno sa Palimbang Municipal Police Station, nakabaton sila sang impormasyon alas-1:40 sang kaagahon parte sa mga kahon sang ginapatihan nga smuggled cigarettes nga ginatipigan sa isa ka lugar sa nasambit nga barangay.
Sa Ocular Inspection sang mga pulis, nadiskubrehan ang 10 ka kahon sang Fort cigarettes nga ginatipon sa sulod sang isa ka open copra dryer house. Ginpahayag sang mga otoridad nga ang mga sigarilyo may ginabulubanta nga Bureau of Customs value nga P427,850.00.
Gin-inventory kag ginmarkahan ang mga nakumpiska nga produkto sa presensya sang isa ka Barangay Kagawad bilang saksi. Ang mga sigarilyo yara na sa kustodiya sang Palimbang Municipal Police Station kag igaturn-over sa Bureau of Customs para sa nagakaigo nga disposisyon.
Padayon ang imbestigayon sang kapulisan para mahibaluan ang tag-iya kag ang responsable sa pagdala ukon pagtago sang mga produkto.
Photo courtesy: PNP Police Regional Office 12
