Gipasabot sa Office of Civil Defense (OCD) 9 ang protocol sa pagresponde sa kalamidad, diin magsugod ang disaster response sa barangay, ug mosaka ngadto sa municipal o city LGU, provincial ug national level depende sa kadak-on sa insidente ug panginahanglan.
Sigun pa ni OCD-9 Regional Director Atty. Ruel Halanes, sa higayon nga mahitabo ang kalamidad, ang lokal nga panggamhanan maoy unang molihok ug mohatag sa gikinahanglang response base sa ilang kapasidad ug resources.
Segon sa opisyal kung dili na igo ang kapasidad sa barangay o lokal nga panggamhanan, mahimo silang motawag og augmentation, mangayo og dugang nga personnel, equipment ug uban pang resources gikan sa mas taas nga lebel sa gobyerno ug mga concerned agencies.
Gipasiugda sa OCD-9 nga importante ang koordinasyon sa matag lebel aron mahimong organisado, paspas ug tukma ang pagresponde sa panahon sa kalamidad.
