Nadakpan sa kapulisan ang tulo ka mga senior citizen nga giila sa mga alyas nga “Toni,” 61 anyos, security guard; “Rodni,” 69 anyos; ug “Rara,” 61 anyos, housewife, nga mga residente sa Sitio Lawis, Barangay Poblacion, Albuera, Leyte atol sa usa ka intelligence-driven anti-illegal gambling operation nga gipahigayon sa Albuera Municipal Police Station didto sa naasoy nga luga, alas-2:30 ang takna sa hapon kagahapong adlawa, Setyembre 22, 2026.
Sumala sa kapulisan, nasikop sila samtang nagdula og braha nga lokal nga nailhang “Tong-its,” diin adunay pusta nga kuwarta. Gituohang nakalapas sila sa Presidential Decree No. 1602, as amended, nga naglatid sa silot batok sa illegal nga sugal. Nasakmit sa operasyon ang mga pusta nga kwarta sa nagkalain-laing denominasyon ug usa ka kompleto nga set sa braha.
Atol sa pagdakop, gipahibalo sa mga nadakpan ang hinungdan sa ilang pagdakop ug ilang mga katungod ubos sa Konstitusyon sa pinulongan nga ilang nasabtan. Human niini, gidala sila uban sa mga nakumpiskang ebidensiya ngadto sa Albuera MPS alang sa dokumentasyon ug tukmang disposisyon.
