Gipadayag ni Kapitan Jose Nacua Jr. sa Barangay San Agustin, Digos City nga nakaabot na kaniya ang reklamo bahin sa nagkadagsa nga mga langaw sa ilang lugar.
Gilayon usab niya kining gipaabot kang Digos City Mayor Josef Cagas aron matutukan ug mahatagan og hustong aksyon ang maong problema.
Gidugang ni Kapitan Nacua Jr. nga nanghinaot siyang masulbad dayon kini, tungod kay dili maayo alang sa kahimsog ug kahapsay sa komunidad ang padayon nga pagdaghan sa mga langaw.
