Sikop ang tulo ka mga individual atol sa gipahigayon nga drug buy-bust operation sa Pantukan Municipal Police Station uban ang Provincial Drug Enforcement Unit o PDEU Davao de Oro, sa Purok Mahigalaon, Townsite, Barangay Kingking, Pantukan, ubos sa pagdumala ni PLTCOL Irish Hezron F. Parangan, Chief of Police sa Pantukan MPS alas-8 sa kagabhion niadtong Setyembre 17, 2026.
Ang mga nasikop giila sa ilang mga alyas Dodong, 26 anyos, lineman; Jona, 22 anyos, ug Joy, 23 anyos, kinsa pulos walay trabaho. Nakuha gikan sa mga suspek ang gitoohang shabu nga dili moubos sa 10 gramos, nga gibana-banang mokabat sa 68,800 pesos ang kantidad.
Anaa na sa kustodiya sa kapulisan ang tulo ka mga suspek ug posibleng pasakaan og kaso tungod sa paglapas sa Republic Act 9165 o Comprehensive Dangerous Drugs Act of 2002.
