Nakaangkon ug kadaot ang bao-bao ug usa ka motorsiklo human sa nahitabong panagbangga didto sa National Highway, Brgy. Dahican, Mati City, Davao Oriental pasado alas 12:50 sa hapon, karung adlawa, Setyembre 22, 2026.
Subay sa impormasyon nga nakuha sa Juander Radyo Mati Team, parehong nagbyahe ang duha ka sakyanan padulong sa Brgy. Dahican, apan pag abot sa lugar sa insidente, giingong kalit nga mi-U-turn ang bao bao sa wala nga bahin hinungdan nga nabanggaan kini sa motorsiklo.
Human sa aksidente, gisulayan nga mahinabi ang driver sa bao-bao, apan wala kini nagpakita. Samtang ang driver ug backride sa motorsiklo nakaangkon usab ug gamayng samad sa lawas.
Sa pagkakaron padayon pa ang imbestigasyon sa mga otoridad, samtang gipahinumdoman ang mga motorista nga mag-amping ug magmatngon kanunay aron malikayan ang susamang insidente.
