Patay ang 66-anyos nga motorista human mabanggaan sa usa ka Toyota Rush SUV sa National Road, Purok 12, Barangay Bagontaas, Valencia City, Bukidnon, alas-11:55 sa buntag niadtong Septiyembre 21, 2026.
Base sa imbestigasyon sa Valencia City Police Station, nagbiyahe ang SUV gikan sa Barangay Poblacion paingon sa Barangay Bagontaas, samtang ang Yamaha Mio motorcycle nagbiyahe sa pikas direksyon. Pag-abot sa maong lugar, kalit nga nahagsa sa karsada ang motorsiklo ug mipadulong sa pikas lane hinungdan nabanggaan sa SUV. Nakita usab sa imbestigasyon ang crash mark o garas sa karsada gikan sa lane sa motorsiklo padulong sa double solid yellow line.
Grabe ang samad sa motorista ug gidala dayon sa Polymedic Medical Center sa Valencia City, apan gideklarang dead on arrival sa attending physician.
Sa karon ang drayber sa SUV ug ang duha ka sakyanan gidala sa Valencia CPS alang sa beripikasyon ug hustong disposisyon.
Photo courtesy: Valencia CPS
