Gipasiugda ni Major General Alvin Luzon, Commander sa 10th Infantry “Agila” Division sa Philippine Army, ang kahinungdanon sa pagpalig-on sa kinaiya ug kahanas sa mga bag-ong sundalo. Kini atol sa iyang pagbisita sa 10th Division Training School o 10DTS sa Camp General Manuel T. Yan Sr., niadtong Setyembre 19, 2026.
Gipahinumdoman ni Luzon ang mga bag-ong Second Lieutenant, Candidate Soldiers, personnel ubos sa Restructured Reenlistment Program, ug Platoon Sergeants sa prinsipyo sa A.G.I.L.A. nga nagpasabot sa Accountability, Growth, Integrity, Loyalty, ug Achievement through Excellence. Matud niya, importante nga padayon nilang palig-onon ang ilang kinaiya, kahibalo ug dedikasyon sa katungdanan aron maandam sa pagserbisyo ug pagpanalipod sa nasud.
Atol sa Commander’s Time, nakig-istorya usab si Luzon direkta sa mga personnel aron mapalig-on ang disiplina, propesyonalismo ug pagkaandam sa ilang misyon. Iyang gipasiugda nga ang matag sundalo kinahanglan magpadayon sa pagpalambo sa kaugalingon ug kanunay nga andam sa pagserbisyo sa nasud.
Photo Courtesy: 10ID
