Nadakpan sa mga kapulisan ang usa ka 18-anyos nga lalaki nga giila sa alyas “Botitor” atol sa gihimong anti-illegal drug buy-bust operation sa Purok Manga 2, Barangay Purisima, Tago, Surigao del Sur, niadtong, Setyembre 21, 2026.
Gipangulohan ni PCPT Michael G. Quisaot ang operasyon sa koordinasyon sa Philippine Drug Enforcement Agency (PDEA).
Sa maong operasyon, nakuha gikan sa suspek ang duha ka pakete sa gidudahang uga nga dahon sa marijuana nga adunay gibug-aton nga usa ka gramo ug gibanabanang kantidad nga 500 pesos.
Narekober usab sa mga otoridad ang 500 pesos nga buy-bust money ug usa ka pakete sa sigarilyo. Ang suspek ug ang mga nakuhang ebidensya anaa na sa kustodiya sa Tago MPS alang sa hustong disposisyon ug pagproseso sa tukmang kaso batok kaniya.
Photo courtesy: Kap Maning Portillo Isiang
