Magapadayon ang Mindanao Tourism Expo 2026 sa Sultan Kudarat Gymnasium sa Isulan, Sultan Kudarat, nga magahatag sang nagkalain-lain nga travel deals kag tour packages para sa mga biyahero. Pagahiwaton ang expo sa Oktubre 2 tubtob 4, 2026, halin alas 8:00 sang aga tubtob alas 5:00 sang hapon.
Sa sulod sang tatlo ka adlaw, mahimo makapangita ang mga bisita sang mas barato nga flight kag tour packages pakadto sa mga destinasyon sa Pilipinas kag iban nga bahin sang kalibutan. Kabahin sa mga magapartisipar ang Philippine Airlines, Cebu Pacific, kag 2GO, kaupod ang nagkalain-lain nga tourism kag travel partners.
Luyag man sang mga organizer nga mapalapnag ang lokal nga turismo kag maengganyo ang publiko nga madiskubre ang mga destinasyon sa Pilipinas. Ginaagda ang mga interesado nga magbisita sa expo kag magkuha sang impormasyon parte sa travel deals kag tour packages nga ginahatag sang mga exhibitors.
Photo courtesy: Gov. Datu Pax Ali S. Mangudadatu
