Nakadawat og pinansyal nga ayuda ang unom ka pamilyang Midsayapenyong naapektuhan sa kalamidad ubos sa UDM DARES o Utilization of Disaster Management thru Disaster Aid in Response to Emergency Situations sa Lokal nga Pangagamhanan sa Midsayap. Ang mga benepisyaryo mao ang mga pamilyang nag-antos og kadaot sa ilang mga panimalay tungod sa kalamidad sa mga bulan sa Hulyo hangtod Septiyembre.
Ubos sa programa, P10,000 ang gihatag sa mga panimalay nga totally damaged, samtang P5,000 alang sa partially damaged nga balay. Ang ayuda gitumong nga mahimong unang suporta sa mga apektadong pamilya sa ilang pagbangon human sa kalamidad.
Gipangulohan sa Municipal Social Welfare and Development Office ubos ni Acting Municipal Administrator ug MSWD Officer John Karlo Ballentes, kauban si Emergency Response Focal Person Maribel Brillantes-Kamid, ang pagpatuman sa maong programa.
Photo courtesy: Midsayaf Info
