Gilunsad sa Philippine Statistics Authority (PSA) Zamboanga del Sur, ang 30th Philippine Statistics Quiz sa Zamboanga del Sur and Pagadian City Provincial Eliminations sa Hotel Guillermo, Pagadian City, adlawng Martes, Septyembre 22, 2026.
Ang kalihokan gitambongan sa mga college students nga nagrepresentar sa unom ka mga nagkalain-laing mga kolehiyo ug unibersidad sa probinsya ug sa syudad sa Pagadian.
Tumong sa maong kompetisyon aron mahatagan ug higayon ang mga estudyante nga mapakita ang ilang kahibalo ug abilidad sa Statistics, ilabi na sa pag-analize ug pagsabot sa mga datos ug impormasyon.
Ang provincial eliminations gihimo isip kabahin kini sa selebrasyon sa 30th Philippine Statistics Quiz, diin gipasiugda kun unsa ka mahinungdanon ang Statistics ug paghimo og mga desisyon nga nakabase sa datos.
Gilauman usab nga ang maong kompetisyon makatabang sa pagdasig sa mga estudyante nga mas ma-appreciate ang Statistics ug ang papel niini sa adlaw-adlaw nga kinabuhi ug sa pagpalambo sa komunidad.
Ang mga nakab-ot sa labing maayong resulta sa provincial eliminations maoy mahimong representante sa Zamboanga del Sur ug Pagadian City sa sunod nga hugna sa Philippine Statistics Quiz regional level.
