Nadakpan sa kapolisan ang usa ka 39 anyos nga lalaki nga giatubang ang duha ka ihap sa kasong pagpangawat sa Barangay San Agustin, Carmen, Agusan del Norte. Giila ang nadakpan nga alias Gar, 39 anyos, minyo ug residente sa maong barangay.
Nasikop siya pinaagi sa Warrant of Arrest nga gipagawas sa Regional Trial Court, Tenth Judicial Region, Branch 43 sa Gingoog City, Misamis Oriental, pinetsahan niadtong Mayo 20, 2026.
Atubangon ni alias Gar ang duha ka ihap sa kasong pagpangawat ubos sa Article 310 sa Revised Penal Code, diin gitakda ang girekomendar nga piyansa nga 30 mil pesos.
Sa pagkakaron, anaa na siya sa kustodiya sa Carmen Municipal Police Station alang sa hustong disposisyon.
