Wala makab-ot sa Social Security System (SSS) ang target nga 1.5 milyong benepisyaryo nga mamahimong makapahimulos ilalom sa Uplift Program. Matud ni SSS Pagadian Branch Manager Edwin Remoto, wala nakab-ot ang target nga ihap tungod sa pipila ka mga discrepancy nga nasinati sa pagproseso sa programa.
Lakip niini ang kakulang sa Disbursement Account Enrollment Module (DAEM), nga usa sa mga kinahanglanon aron hapsay nga maproseso ang pag-avail sa mga benepisyo ilalom sa programa.
Gipatin-aw ni Remoto nga ang maong mga concern nakaapekto sa gidaghanon sa mga miyembro nga nakapahimulos sa Uplift Program.
Gipasalig sa SSS nga padayon nilang atimanon ang mga kakulangan sa proseso aron mas daghang miyembro ang makapahimulos sa Uplift Program ug mas mapaduol sa target nga benepisyaryo sa umaabot.
