Medalya, plaque, cash incentive, ug mga espesyal nga singsing ang nadawat sa mga kawani sa lokal nga panggamhanan sa Malaybalay nga nagsilbi sa publiko sulod sa 10, 15, 20, 25, hangtod na sa kamanghoran nga 35 ka tuig atol sa gihimong mabulukong Employee Loyalty Awarding Ceremony kagahapon Setyembre 21, 2026.
Katuyuan sa programa nga mahatagan sa pagtagad ug dakong pagpasalamat ang kawani nga nahimong lig-ong pundasyon sa padayong pag-uswag ug kalamboan sa dakbayan.
Sa maong higayon gipasiugda ni City Administrator Atty. Anna Marie Bergado ang pagpahinumdom nga ang labing dakong bahandi sa siyudad mao ang padayong paningkamot sa mga kawani. Gipahayag sa opisyal nga ang maong dungog dili lang pagsaulog sa mga naabot kondili usa San ka pagbag-o sa saad nga magpadayon ang maayong work ethics ug dekalidad nga serbisyo para sa kasamtangan ug sa mga sunod nga henerasyon sa Malaybalay.
Nalipay ug nagkahiusa ang tanan pinaagi sa pagsul-ob sa ilang pinakagwapo ug pinakagwapa nga Filipiniana ug Barong nga mas naghatag og dungog sa maong pormal nga okasyon. Ang aktibidad, nga gipaluyohan sa HRMO sa pagpanguna ni Maggie Emprogo kauban ang 10th Sangguniang Panlungsod ug nagtapos pinaagi sa usa ka masadya nga mass dance ug dungan nga panihapon sa tanang mga bisita ug awardees.
Photo courtesy: Malaybalay City LGU
