Seryoso ug dakong hisgutanan pa karon sa creative industries ang pag-arangkada sa Artificial Intelligence kung nahimo ba kining hulga ug dakong tabang sa mga artist. Pagpasabot ni Donna Ocampo, gikan sa Kagay-an Misamis kon Kami Creative Council nga kini nga debate dili lamang matubag sa yes or no tungod sa kalapad sab sa nalangkob sa creative industry.
Sa bahin ni Ocampo, sa iyahang personal nga kasinatian, dakong tabang ang AI isip giya, aron nga mas madevelop ang iyahang mga ideya ug dakong tabang sab kini aron nga mahimo siyang mas efficient sa iyang gitrabaho.
Samtang giila ni Ocampo nga dili tanang artist ang mo-uyon sa paggamit sa AI sa ilahang mga hinimo ug mas ganahan nga gikan mismo sa ilahang mga kaugalingon imahenasyon ug talento ang ilahang obra.
Kahinumduman nga karong bulan sa Septiyembre ginasaulog sa syudad ang Kagay-an Creative Industries Month kung asa daghang mga aktibidad ang giandam alang sa mga artists o creatives.
Photo courtesy: Philippine Information Agency
