Nagtinabangay karon ang nagkadaiyang ahensya sa Misamis Oriental aron matubag ang posibleng epekto sa El Niño o grabeng hulaw sa lalawigan.
Matud ni PDRRMO Head Sot-Sot Dy, gitun-an ang saktong paggamit sa pundo ug adunay water truck nga naka-standby aron magamit sa paghatod og tubig ngadto sa mga komunidad nga posibleng maapektuhan sa taas nga kainit.
Dugang pa ni Dy, apil sa nagmonitor sa epekto sa El Niño ang Provincial Agriculture Office o PAGRO ug Provincial Environment and Natural Resources Office o PLENRO.
Giatiman usab sa mga ahensya ang kahimtang sa mga lugar nga posibleng makasinati og kakulang sa tubig tungod sa padayong hulaw.
