Gidakop sa tracker team sa Cadiz City Police Station ang usa ka wanted person human malampusong maimplementar ang warrant of arrest batok kaniya niadtong nakalabay nga adlaw, tungod sa kasong reckless imprudence resulting in homicide ug damage to property.
Niadtong Septiyembre 17, 2026, gipahigayon sa Tracker Team sa Cadiz Component City Police Station o Cadiz CCPS ang operasyon batok sa usa ka wanted person. Gipangulohan ang operasyon ni PLTCOL Lymel John H. Pasquin, Chief of Police, uban ang mga personnel sa Warrant/Subpoena Section.
Malampusong napahamtang o na-serve sa suspek ang Warrant of Arrest may kalabotan sa kasong Reckless Imprudence Resulting in Homicide and Damage to Property. Gidala ang nadakpan alang sa hustong disposisyon ug pagproseso sumala sa mando sa korte.
Photo Courtesy: CADIZ CITY CPS
