Niabot sa 34.8 porsiyento sa kinatibuk-ang konsumo sa enerhiya sa nasud niadtong 2025 ang gigamit sa sektor sa transportasyon, sumala sa datos nga gipagawas sa Department of Energy (DOE). Gipasiugda sa ahensya nga importante kaayo dili lamang ang gidaghanon sa enerhiya nga gigamit, kondili kon giunsa kini paggamit sa mas episyente ug mas limpyo nga paagi sa tibuok sistema sa transportasyon.
Usa sa mga nag-unang lakip sa ilang mga plano ang paspas nga pagbalhin ngadto sa paggamit sa electric mobility sa tibuok nasud. Ubos sa Electric Vehicle Industry Development Act (EVIDA), gipuntirya nga maabot ang lima ka porsiyento pataas nga share sa Electric Vehicle sa mga sakyanan sa gobyerno ug pribadong sektor sa dili pa moabot ang tuig 2034, ug gilauman nga molungtad kini ngadto sa napulo ka porsiyento pag-abot sa 2040.
Apil usab sa opisyal nga roadmap ang pagpalapad sa mga EV charging infrastructure ug ang pag-ila sa mga “green routes” alang sa de-koryenteng pampublikong transportasyon. Pinaagi niini nga mga lakip, tumong sa DOE nga hinay-hinay nga malimpyohan ang paggamit sa enerhiya sa sektor sa transportasyon samtang gipauswag ang efficiency sa mga biyahe sa nasud.
Photo courtesy: PNA
