Gipaabot nga mokunhod og double-digit ang produksiyon sa humay ug mais sa Pilipinas sa ikatulong kwarter sa 2026, base sa labing awahi nga pagbanabana sa Philippine Statistics Authority (PSA).
Gibanabana sa PSA nga moabot sa 3.19M metriko tonelada ang produksiyon sa humay gikan Hulyo hangtod Septiyembre, 15 porsyento nga mas ubos kun itandi sa 3.75 milyon MT sa samang panahon niadtong miaging tuig.
Gipaabot usab nga mokunhod ang ani nga lugar ngadto sa 771,790 ektarya, bisan pa sa gamay nga pagsaka sa ani matag ektarya. Sa mais, gipaabot nga mokunhod ang produksiyon og 14.4% ngadto sa 2.08 milyon MT gikan sa 2.43 milyon MT. Mokunhod usab ang harvest area ngadto sa 688,030 ektarya, samtang gamay usab nga moubos ang productivity sa mais.
Ang forecast nahitabo human sa sunod-sunod nga mga bagyo nga nakapasamot sa habagat ug niresulta sa P4.38B nga kadaot sa agrikultura. Ang humay mitumbok sa P2.05 bilyon nga kapildihan, samtang P127.6 milyon ang kadaot sa mais. Ang projected nga pagkunhod sa produksyon sa humay misunod sa record-high nga 4.65M MT nga ani sa ikaduhang kwarter.
Photo courtesy:
