Modayon ang kagamhanan sa Probinsiya sa Sugbo sa planong pagkuha og duha ka mga sea ambulance human makuha ang gikinahanglang clearance gikan sa Department of the Interior and Local Governmetn (DILG).
Gikatakda kini nga gamiton aron mapalig-on ang emergency medical response sa mga island community sa Sugbo, ilabina sa mga isla sa Bantayan ug Camotes, diin mas lisod ang dali nga pagdala sa mga pasyente ngadto sa mga ospital sa mainland.
Matud ni Provincial Administrator Atty. Ace Durano, nagpadayon na ang bidding process ug nakaabot na sa post-bid stage. Gisunod na karon sa probinsya ang gikinahanglang procurement periods, uban ang target nga makompleto ang acquisition sulod niining tuiga.
Ang proyekto, nga ipatuman pinaagi sa Provincial Disaster Risk Reduction and Management Office (PDRRMO), kabahin sa prayoridad sa administrasyon ni Cebu Provincial Gov. Pamela Baricuatro aron mapadul-an ug mapalambo ang healthcare ug emergency services alang sa mga Sugbuanon, lakip ang mga nagpuyo sa mga isla.
Photo courtesy: Pam Baricuatro / Facebook page
