Sa Russia, dili lang mekaniko ang giadtoan sa mga motorista nga nagreklamo nga kusog kaayo mo-konsumo og gasolina—naa na sab daw mga mangkukulam ug clairvoyants nga nag-offer og serbisyo para mapakunhod ang konsumo sa sakyanan.
Tungod sa fuel crisis sa pipila ka lugar sa Russia, dugay kaayong naglinya ang mga motorista sa gasolinahan, samtang misaka usab ang presyo sa gasolina.
Ug dinhi misulod ang mga gitawag og warlocks ug clairvoyants. Matud nila, basin dili guba ang makina… basin na-hex ang sakyanan!
Giingnan pa ang ubang kliyente nga posibleng adunay negative energy, sumpa, o laing butang nga gipabilin sa sakyanan nga maoy hinungdan nganong kusog mo-inom og gasolina.
Imbes ipa-check sa mekaniko, ilang gipangitaan og soluston pinaagi sa mga ritwal—nga adunay bayad nga moabot og 16-thousand rubles o kapin 200 dollars!
Mas grabe pa, adunay mga nagaingon nga mahimo nilang usbon ang octane level sa gasolina pinaagi sa mga simbolo ug orasyon. Pero pahimangno sa mga eksperto—dili mausab ang chemical composition sa gasolina pinaagi sa orasyon.
Busa kung kusog mo-inom og gasolina ang sakyanan… check engine una, dili ipa check witch.
Photo courtesy: Ramil Sitdikov/Reuters
