Mokabat sa 55 porsyento sa rural social media users sa Pilipinas ang namalit pinaagi sa TikTok Shop, apan 21 porsyento lamang ang naggamit og digital payment, base sa bag-ong pagtuon sa Ogilvy, WPP Media ug Fifty5Blue.
Paborito gihapon sa rural consumers ang cash, lakip ang cash on delivery ug pagbayad pinaagi sa GCash-enabled sellers. Lakip sa mga hinungdan ang kabalaka sa online scams ug limitado nga access sa digital payment services.
Gipakita usab sa study nga 92 porsyento sa provincial households adunay internet access, samtang 98 porsyento niini nagkonektar gamit ang cellphone.
Importante usab sa rural consumers ang presyo, gamit sa produkto ug pagsalig. Mokabat sa 92 porsyento ang nag-verify sa source sa impormasyon, samtang 91 porsyento nagpabiling loyal sa mga brand nga dugay na nilang gigamit.
Sa Mindanao, mas dako ang papel sa rekomendasyon sa komunidad ug local endorsements sa pagdesisyon sa pagpalit.
Photo Courtesy:4seller
