Mokabat sa ₱17,478,402.37 nga sweldo, livelihood assistance, ug stipends ang gipang-apod-apod sa Department of Labor and Employment (DOLE) Bukidnon Provincial Field Office atol sa “Handog ng Pangulo: Serbisyong Sapat Para Sa Lahat” niadtong Setyembre 14, 2026 sa Centennial Stage, Kaamulan Park, Malaybalay City.
Subay sa direktiba ni DOLE Secretary Francis N. Tolentino, 475 ka benepisyaryo sa TUPAD gikan sa Talakag, Quezon, Maramag, ug Malaybalay City ang nakadawat og ₱1,734,500.00, samtang 23 ka indibidwal ang nakadawat og ₱490,729.05 nga livelihood grants ubos sa DILP. Gibitbit usab sa Sta. Monica Bukidnon Multi-Purpose Cooperative ang ₱11,950,000.00 nga tseke isip primary partner sa pagpatuman sa mga proyekto alang sa gagmayng negosyo ug pamilyang nagkinahanglan.
Dugang pa niini, nakadawat og ₱1,916,745.00 ang 406 ka estudyante sa SPES ug ₱742,873.32 ang 150 ka interns sa GIP, samtang ₱643,555.00 ang gihatag sa duha ka negosyo ubos sa Adjustment Measures Program. Sa gihimong Job Fair, 10 ka jobseekers ang Hired on the Spot (HOTS) ug 88 ang near-hires sa kapin 3,500 ka vacancie nga gipagawas sa 17 ka local ug overseas employers.
Photo Courtesy:DOLE – Bukidnon
