Aron mapalig-on ang disiplina, kaandam ug propesyonalismo sa han-ay sa kapulisan, nagpahigayon og Saturday Ranks Inspection ang Mati City Police Station niadtong Nobyembre 7, 2026, pasado alas-7:00 sa buntag didto sa FGR Park Baywalk, Mati City, Davao Oriental.
Atol sa inspeksyon, gisusi ang hustong pagsul-ob sa PNP Athletic Uniform, lakip ang jogging pants ug puti nga sapatos. Gisusi usab ang hustong pagpagupit sa buhok, kahapsay sa mga kuko ug ang pagdala sa mga gikinahanglang gamit sama sa PNP identification card, Land Bank ATM card, puti nga panyo, tickler ug ballpen.
Ang maong lakang kabahin sa regular nga pagsusi sa ilang disiplina, personal nga pamustura ug pagsunod sa mga sumbanan nga gipatuman sa Philippine National Police.
Samtang mihatag usab ug pahimangno si PLTCOL Sa-Ao sa tanang personahe nga hugot nga tumanon ang mga lagda, polisiya ug giya gikan sa PNP National Headquarters, ilabi na sa pagmintinar sa disiplina, maayong pamustura ug propesyonal nga pamatasan.
Photo courtesy: Mati CPS
